Bakit Ba Kasi...

Matagal ko na gusto sabihin ito sa'yo
Ngunit papaano nga ba ito sinisimulan?
Gusto ko man sabihin ang nasa aking puso
Ngunit tila bang wala akong karapatan

Ikaw ay pagmamay-ari na ng iba
at alam kong mahal ka rin nya
ayoko naman magpaka-ipokrita
upang inyong relasyon ay masira

Ngunit sadyang hindi ko ito matago
Bakit ba kasi sa aki'y ang bait mo?
unti-unting nalalaglag aking puso
bakit buhay ko'y tumatakbo na sa'yo?

Ano nga ba ang mayroon ka?
at sadyang minamahal kita
ano gagawin ko upang ito'y mawala
anong gagawin para ika'y malimot na?